الرئيسيةالرئيسية  س .و .جس .و .ج  التسجيلالتسجيل  دخولدخول  

شاطر | 
 

 بالأمس ,,,,,,,,, اليوم

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زهرة البنفسج
مديرة تعين المشرفين.....@
مديرة تعين المشرفين.....@
avatar

عدد الرسائل : 395
العمر : 28
Localisation : فلسطين الحبيبة
تاريخ التسجيل : 27/01/2007

مُساهمةموضوع: بالأمس ,,,,,,,,, اليوم   الأربعاء يناير 31, 2007 10:36 am

بالأمس ,,,,,,,,, اليوم

إليكم هذا الحوار بين (امرأة أيام زمان وزوجها):

الزوج: - مرحبا يامرة... شو عاملتينا عشا اليوم؟
الزوجة: - يه يه يه... تقبر عضامي... إجيت حبيبي؟!! تقبرني شو حركتك
خفيفة ومابتزعج حدا...
لك حلّت البركة على أرض الديار يا روحي...

طابختلك حرّهبأصابيعو ويالنجي وكبة لبنية تقبشني...

الزوج: - يا الله يالله بلا كتر غلبة، قومي حطي الأكل قومي..
الزوجة: - لك إي مو تكرم ابن عمي... مو تكرم...
لك من هالعين هَي
قبل هَي...
الزوج: - ناموا الولاد؟

الزوجة من المطبخ: - ناموا حبيبي ناموا على عشية،
وحميتلّك الحمام يا عمري...


الزوج بعد أن يرى أصناف المائدة أمامه:

إيييييييييييييييييييييييه... باين السهرة رح تحلى اليوم... يمضغ
اللقمة
الأولى ويقول: - ممممممممممممم طيبة هالكبة طيبة!!!
الزوجة رافعة يدييها للسماء: - لك روح... ربي مولايي يبيضلك أيامك...
ويبعد عنك ولادين الحرام
يا حق..
ينهي الزوج طعامه قائلاً: - الحمد لله...
الزوجة: - عجبك الأكل يا عمري...
الزوج: - إي والله... تسلم إيديكي... تعبتك معي..
الزوجة مرتبكة من الفرح: - عجبك الأكل؟؟!... لك تطلع على قبري شو
إنّك هني
وبتعرف تحكي... لك تكفنّي بإيديك على هالكلام الحلو يا حق.. بكرة
بدي اعملّك حمام محشي وبطاطا بالفرن إي بدك تاكل أصابيعك وراهن...


بعدين شو تعبتني وما تعبتني؟!...


ليش أنا عندي غيرك بالدنيا يا حبيبي؟!!، لك تشكل آسي يا
حق...
الزوج وهو ينشّف يديه بعد غسلها: - جاهز الحمام يا مرة ؟؟
الزوجة: - ولَو تقبشني... ولَو!!!
وحطيطيلك صابونة غار من يللي جابتهم أمك تقبرني...

وإليكم هذا الحوار بين (امرأة اليوم وزوجها):

الزوج: - مرحبا يا حلوة... شو عاملتينا عشا اليوم؟
الزوجة ملتفتة إليه وبيدها جريدة: - شو إيمتى جيت؟؟ مبكّر مو على
عادتك يعني...

على كلٍ عملتلك مجدرة برغل وعدس... شو بدي اطبخلك يعني ومبارح
أكلت لحمة بالصينية؟؟...
الزوج: - يا الله تقبشيني، قومي حطيلنا الأكل لناكل..
الزوجة: - ليكو الأكل عندك بالمطبخ... وين بدو يروح يعني؟؟!!
كمان بدي
جبلك الأكل لحد عندك؟!
الزوج باتجاهه إلى المطبخ: - ناموا الولاد على حد علمك؟
الزوجة: إي شو نيّمهم هلق وبكرة عندهم عطلة؟؟؟ ...


الزوج يحدث نفسه من المطبخ: العمى شو هالمجدرة؟؟!!!!!...

يمضغ اللقمة الأولى ويقول: - إي والله كأني عم آكل بحص مو
برغل!!!

الزوجة : - شو عم تبَروِت يا رجال؟؟

ينهي الزوج طعامه قائلاً: آ...؟؟ مو شي حبيبتي... موشي...
الزوجة: - عجبك الأكل؟
وجة...الزوج بإحباط: - إي طبعاً طبعاً... تسلم إيديكي...
الزوجة بتأفف: - معناها كل يوم بعملك منها إذا حبيت
الزوج وهو ينشّف يديه: جاهز الحمام يا ترى؟؟

الزوجة ترمي الجريدة أرضاً صارخة في وجهه: - العمى على هالقصة...
طبختِ يامرة؟... ناموا الولاد يامرة؟...جاهز الحمام يا مرة؟... إي شو
أنا ما عندي شغل غيرك يا رجال
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Amigo52
صـــاحب الموقع
صـــاحب الموقع
avatar

عدد الرسائل : 914
تاريخ التسجيل : 05/01/2007

مُساهمةموضوع: رد: بالأمس ,,,,,,,,, اليوم   الجمعة مارس 30, 2007 2:51 am

مشكورة يا غالية على هل الموضوع الرائع و الى الأامام .....@

_________________
صاحب الموقع و المدير العام:: Amigo52

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.amigo52.com
ياسين الزيباري
.::مشرف عام في قسم الصور::.
.::مشرف عام في قسم الصور::.
avatar

عدد الرسائل : 591
العمر : 34
Localisation : كوردستان العراق
تاريخ التسجيل : 29/04/2007

مُساهمةموضوع: رد: بالأمس ,,,,,,,,, اليوم   الخميس مايو 03, 2007 4:47 pm

مشكوووووووور عل موضوع الرائع
وان شاء الله نشوف منك المزيد

_________________
ليس عظيما ان تصنع الف صديقا في عام
ولكن العضيم ان تصنع صديقا لالف عام

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بالأمس ,,,,,,,,, اليوم
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
 :: قسم الأقتراحات و الأستفسارات حول المنتدى :: المنتدى العام-
انتقل الى: