كيف مات ابوك؟؟؟؟

الأول : كيفك يا زلمه وكيفو أبوك إن شاء الله تحسن؟
صار لي سنين ما شفتك
الثاني: أنا ماشي حالي الحمدلله بس الوالد عطاك عمرو
الأول: العمر إِلَك.. بعرف كان عندو القلب يالله الله يرحمو
الثاني: بس والله ما مات من القلب
الأول: معكول هالحكي؟! كيف توفى؟
الثاني : الله يرحمو بآخر فترة ضعف نظرو كتير
مرة طلع ع البلكون ما شاف الحفة وقع وبتعرف بيتنا تالت طابق
الأول : لَهْ لَهْ على هالموتة، بكل الأحوال الله يرحمو
الثاني : والله تعذبنا فيه كتير وعملنالو شي 12 عملية لَتْحَسَّن
الأول : لكان كيف توفى؟!
الثاني : صار يحمل عكازة ومرة عم يقطع الطريق، سيارة مسرعة خبطتو
الأول: يَهْ يَهْ يا لطيف ... الله يرحمو
الثاني : ربك رحيم كان فيه جار إلنا حطو بالسيارة
ولحقو ع المستشفى بس النزيف الداخلي كان رهيب
الأول : الله يرحمو بكل الأحوال
الثاني : بس سفرناه على إسبانيا وضلينا شي 6 أشهر عم نعالج فيه والحمد لله تحسن
الأول : طيب كيف مات !!
الثاني : صار معو فشل كلوي حاد وصرنا ندور على متبرع كلية وتأخرنا وصار معو تسمم
الأول : الله يرحمو ارتاح
الثاني : بالصدفة إجا شخص
بيعرفو من زمان تبرعلو بالكلوة بآآآآآآآآخر نفس
الأول : لكان كيف مات !!
الثاني : والله مرة بالبيت وهو قاعد ما انتبه ع الغاز احترقت الشقة وهو لحالو فيها
الأول : يا لطيف على هالموتة ما أبشعها الله يرحمو
الثاني : بس والله جارنا الله يجزيه الخير كسر باب البيت ولحقو بآآآآآآآخر لحظة
الأول : لَكْ فهمنا كيف مات !!



الثاني:




((( والله اضطرينا نطخُّه آخر شي )))

مششششكور على هل الموضوع الواقع و الحقيقي و الله مميز يا غالي


مبروك :: العضو الماسي في منتدى الشعر و الخواطر

هــــ حنون ـــــكر

::D::D::D::D::D

مشكووووووووووور وردة عل ابداع ونتمنى نشوف منك المزيد